المصدر الاخبارية
شبكة المصدر الاخبارية

طارق عامر يتراجع : الإستقرار مش قبل نهاية السنه

طارق عامر
149

تراجع محافظ البنك المركزي طارق عامر عن تصريحاته السابقه بشأن تراجع سعر الدولار إلي 12 جنيها قبل منتصف العام الحالي 2017.

 

وقال عامر في حوار له مع الإعلامي أسامه كمال عبر قناة DMC  أن الدولار سوف يشهد إستقرارا وليس تراجعا ، عند إستقرار الوضع الإقتصادي الذي توقع عدم حدوثه قبل نهاية العام الحالي.

وانتفد عامر توقعات انخفاض الدولار فى مارس الي 30 جنيهاً، وقال إنها كلام مش علمى، فتوقعات الأسواق الدولية للأوراق المالية المصرية بالنسبة لسعر الصرف أقل من اللى إحنا فيه، وبنوك الاستثمار اتكلمت على مستويات أقل من دلوقت.

 

وقال عامر إن السياسات الإقتصادية الحالية برعايه عبد الفتاح السيسي ورئيس الوزراء ووزير المالية قد إستطاعت خفض معدل النمو الاستهلاكى لـ40% ، مقارنه بسنوات سابقة.

 

وأضاف عامر ردا علي قدره المواطن المصري علي شراء الدولار في أي وقت ” نتمنى كده على آخر 2017، وإن شاء الله لما التجربة تاخد الاستقرار بتاعها، إحنا لسه ماوصلناش لمستويات الاستقرار، فيه تذبذبات فى الأسعار.”

 

وقال عامر أيضا في حواره أن مستوي الدين الخارجي قد إرتفع إلي 60 مليار دولار خلال السنوات الماضية ، وأضاف وأكثر زيادة حصلت فى الدين الخارجى كانت أيام حكم الإخوان، والبعض يقول إنه دخل لنا 30 مليار دولار والكلام ده غلط، إحنا القروض اللى جت لنا السنة اللى فاتت من البنك الدولى مليار و500 مليون دولار من البنك الأفريقى، وبعدين عملنا برنامج الصندوق وعشان نعمل البرنامج اتأخرنا عشان نحضر الحزمة التمويلية للبرنامج، وعملنا مفاوضات مع الصين جبنا منهم 2.7 مليار دولار، وعملنا مفاوضات مع بنوك دولية وجبنا 2 مليار دولار، والفلوس دى كلها دخلت الاحتياطى، وجالنا فلوس من صندوق النقد 2.7 مليار دولار، عشان كده مابقناش نضحى بالاحتياطى لكن بنعززه

قد يعجبك ايضا
تعليقات
جاري التحميل ....