المصدر الاخبارية
شبكة المصدر الاخبارية

خالد علي ينشر تفاصيل جلسة التحقيق مع كمال خليل: «قال لي انسوني وركزوا مع الشباب المعتقلين»

338

خالد علي: ضابط سأله مين رمزي؟ بعد تدوينة عن «اعتصام  رمزي»

نشر خالد علي المحامي الحقوقي، ومرشح الرئاسة المحتمل، تفاصيل جلسة التحقيق مع المناضل العمالي كمال خليل، وقال إن كمال خليل أوصاه بالتركيز مع الشباب المعتقلين، قائلا: انسوني أنا وركزوا مع الشباب المعتقلين.

 يذكر أن قوات الشرطة اقتحمت فجر اليوم الخميس، منزل خليل وألقت القبض عليه بعد تفتيش منزله.

يشار إلى أن البرلمان وافق على تمرير اتفاقية تيران وصنافير رغم صدور حكم نهائي من المحكمة الإدارية العليا بمصرية الجزيرتين.

وإلى نص ما كتبه خالد علي:

عمنا كمال خليل قاللي حاجات كتير النهاردة عن القبض عليه والأسئلة اللي وجهت له لكن أظرف وألطف حاجتين قالهم النهاردة.

الأولى: قاللي أنا عايز على الفطار والسحور ساندوتشين فول ولترين مياه حتى نهاية رمضان، وانسوني ومتشلوش همي وركزوا مع الشباب اللي مقبوض عليهم.

الثانية: أحد الضباط سأله سؤال عميق جداً

س: مين رمزي اللي أنت عامل معاه الاعتصام؟

ج:أنا معرفش حد اسمه رمزي

س: أنا عارف يا كمال إنت راجل شجاع، ومش بتخاف، ليه بتنكر دلوقتى؟

ج: أنا مش بأنكر حاجة، واللي بعمله بقوله، وأنا فعلاً معرفش مين رمزي اللي بتسألني عليه

س: يا كمال إنت قولت على رمزى فى البوست اللى إنت كاتبه وإنت إعترفت إن البوست بتاعك؟

ج: أيوه كل البوستات اللى إنت عرضتها عليا أنا اللى كاتبها لكن أنا مكتبتش أى حاجة عن شخص اسمه رمزى

س: تحب أعرض عليك البوست تانى يا كمال ؟

ج: ياريت

س: هذا هو البوست، وإنت كاتب فيه يا كمال (اعتصام رمزى) مين بقى رمزى دا؟

ج: رمزى اللى مكتوب فى البوست دا مش شخص، أقصد حالة رمزية، بمعنى أنه اعتصاماً رمزياً

وطبعاً وقعت من الضحك، ومن الغٌلب اللى إحنا فيه.

قد يعجبك ايضا
تعليقات
جاري التحميل ....