المصدر الاخبارية
شبكة المصدر الاخبارية

خالد علي عن إسلام مرعي معتقل «تيران وصنافير»: شاب غيرت الثورة حياته.. اكتبوا عنه وعن كل المساجين

19

قال خالد علي المحامي الحقوقي، مرشح الرئاسة المحتمل: «إسلام مرعي من الشباب اللي الثورة غيرت حياتهم، اهتم بالعمل العام والسياسي بعد الثورة، وانضم للحزب المصري الديمقراطي الاجتماعي، وأصبح أمين التنظيم بالحزب».

وأضاف: «كان عنده حرص فى كل الفاعليات اللى بينظمها انه يدعوا الجميع دون إقصاء، لما طلب منى أحضر ندوة بالحزب فى الزقازيق وأتكلم عن قضية (تيران وصنافير) كان من الحضور ناس شايفين الجزر مصرية وناس تانية شايفنها مش مصرية، طول الوقت كنت بسأل نفسى إزاي إسلام عنده قدره يجمع كل المختلفين فى موضوع حاد زى دا فى فاعلية واحدة ومكان واحد، وإزاي كل طرف بيقبل دعوته بترحاب وثقه فى شخصه».

وتابع خالد علي: «إسلام شاب متحقق مهنياً، ومن عيلة ميسورة، وكان يقدر يقول وأنا مالي، وكان يقدر يبعد عن العمل العام بكل مشاكله ومخاطره لكنه شاف في العمل العام والمشاركة فيه طريق لصنع المستقبل ولتغيير البلد دي للأفضل، إسلام اتقبض عليه بزعم الانضمام لجماعة شكلت على خلاف أحكام القانون لمجرد انه متمسك بمصرية تيران وصنافير».

واختتم: «اكتبوا عن إسلام ، وعن كل اللى فى السجون بسبب حبهم لبلدهم وللحرية والعدالة والكرامة». 

قد يعجبك ايضا
تعليقات
جاري التحميل ....